Stokholmda keçirilən I(IX)qurultayda DAK-ın adında dəyişiklik edilərək Demokratik DAK adlandırılmış və yeni nizamnamə qəbul olunmuşdur. Əvvəlki nizamnamədə qurultayların keçirilməsi ildə bir dəfə nəzərdə tutulsa da, yeni nizamnaməyə görə bu müddət üç ilə qədər uzadılmışdır.

Təşkilat demokratik və kolleğial idarəetmə sisteminə malikdir. Təşkilatın rəhbərliyi qurultayda, iştirakçılar tərəfindən müəyyən edilən sayda seçilmiş İdarə Heyətidir. İdarə Heyətinin rəhbəri öz üzvləri içərisindən seçilmiş başqandır. İdarə Heyəti təşkilatın fəaliyyətinə cavabdehdirlər.

Demokratik DAK-ın uyğun şöbə və bölmələri, mətbuat xidməti, komitələri və daimi komisiyaları, bir çox ölkələrdə bölgə nümayəndəlikləri və bölgə təşkilatları vardır.

Təşkilat ABŞ-da rəsmi qeydiyatdan keçmişdir. Bank hesabı, möhürü, loqotipi, internet səhifəsi və internet qrupları vardır.

İstəyi, 50 milyonluq azərbaycanlıların birgə yaşamasının təmin olunması, azərbaycanlıların yaşadıqları ölkə və bölgələrdə onların insan haqlarının təmin olunması, hər bir azəbaycanlını azad, xoşbəxt və firavan görməkdir.

Güney Azərbaycanda əsrlər boyu danılmış milli haqlarımızın alınması, Azərbaycan Respublikasında demokratik seçimlərin təmin olunması və insan haqlarının qorunması, eləcə də, Qarabağ sorununun tezliklə həll olunması ügrunda diasporumuzun təşkilatlanması Demokratik DAK-ın əsas hədəflərindəndir.